ଅକ୍ସଫୋର୍ଡ ବିଶ୍ବବିଦ୍ୟାଳୟ ଏବଂ ଆଷ୍ଟ୍ରାଜେନେକା ଦ୍ବାରା ବିକଶିତ ହୋଇଥିବା କୋଭିଡ -୧୯ ଟିକାର କ୍ଲିନିକାଲ ପରୀକ୍ଷାକୁ ଏବେ ବ୍ରିଟେନରେ ବନ୍ଦ କରି ଦିଆଯାଇଛି; ଏହାର କାରଣ ମାନବ ପରୀକ୍ଷା ସହ ଜଡିତ ଜଣେ ସ୍ୱେଚ୍ଛାସେବୀ ଅସୁସ୍ଥ ହୋଇପଡିଛନ୍ତି; କିନ୍ତୁ ଭାରତରେ ଅକ୍ସଫୋର୍ଡ ଟିକାର ପରୀକ୍ଷଣ ବନ୍ଦ ହେବନି ବୋଲି ପୁଣେ ସ୍ଥିତ ସେରମ୍ ଇନଷ୍ଟିଚ୍ୟୁଟ ଅଫ୍ ଇଣ୍ଡିଆ ଘୋଷଣା କରିଛି; ତେବେ ଅକ୍ସଫୋର୍ଡ ୟୁନିଭରସିଟି ଏବଂ ଆଷ୍ଟ୍ରାଜେନେକା ସହିତ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଭାରତରେ କରୋନା ଟିକା କୋଭିଶିଲ୍ଡର ଶେଷ ପର୍ଯ୍ୟାୟ ପରୀକ୍ଷା କରୁଛିବ୍ରିଟେନରେ ପରୀକ୍ଷା ବନ୍ଦ ହେବା ପରେ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ସିଇଓ ଅଦର ପୁନାୱାଲା କହିଛନ୍ତି ଯେ, ସେମାନେ ବ୍ରିଟେନରେ ହୋଇଥିବା ପରୀକ୍ଷା ଏବଂ ଘଟିଥିବା ଘଟଣା ଉପରେ କୌଣସି ମନ୍ତବ୍ୟ ଦେବେ ନାହିଁ; ବ୍ରିଟେନରେ ସମୀକ୍ଷା ପାଇଁ ପରୀକ୍ଷା ସ୍ଥଗିତ ରଖାଯାଇଛି ଏବଂ ଏହାକୁ ଖୁବ ଶୀଘ୍ର ଆରମ୍ଭ କରାଯିବ; ଭାରତରେ ଚାଲିଥିବା ପରୀକ୍ଷଣରେ ସେଭଳି କୌଣସି ସମସ୍ୟା ଦେଖାଯାଇ ନାହିଁ, ଯାହା ପାଇଁ ଭାରତରେ ଟିକା ପରୀକ୍ଷଣ ବନ୍ଦ କରାଯିବ ନାହିଁ

LEAVE A REPLY

Please enter your comment!
Please enter your name here