ବୁଲନ୍ଦଶହର ଘଟଣାରେ ବିବାଦୀୟ ମନ୍ତବ୍ୟ ଦେଇ ଅଡ଼ୁଆରେ ପଡ଼ିଥିବା ବଲିଉଡ୍‌ର ଅଭିନେତା ନସୁରିଦ୍ଦିନ ଶାହଙ୍କୁ ରେସଲର ଯୋଗେଶ୍ୱର ଦତ୍ତ କଡ଼ା ଜବାବ ଦେଇଛନ୍ତି। ଦେଶରେ ବିଭିନ୍ନ ଧର୍ମକୁ ନେଇ ଦଙ୍ଗା ହେଉଥିବାରୁ ଶ୍ରୀ ଶାହ ତାଙ୍କ ପିଲାମାନଙ୍କ ଭବିଷ୍ୟତକୁ ନେଇ ଭୟ କରୁଥିବା କଥା କହିଥିଲେ।

ଏହା ଉପରେ ପ୍ରତିକ୍ରିୟା ଦେଇ ଯୋଗେଶ୍ୱର କହିଛନ୍ତି, ” ବୁଲନ୍ଦଶହର ଦଙ୍ଗା ଘଟଣାକୁ ନେଇ ଯେଉଁମାନେ ଭୟଭୀତ ବୋଲି କହୁଛନ୍ତି, ସେମାନଙ୍କ ପାଇଁ ଆମେ ଦୁଃଖିତ। କିନ୍ତୁ ଏହା ପୂର୍ବରୁ ମଧ୍ୟ ଦେଶରେ ଅନେକ ଦଙ୍ଗା ଓ ଆତଙ୍କବାଦୀ ଆକ୍ରମଣରେ  ନିରୀହ ଲୋକଙ୍କ ଜୀବନ ଯାଇଛି। କାହିଁକି ସେତେବେଳେ ତ ଆପଣଙ୍କୁ ଡର ଲାଗୁ ନଥିଲା? ଏଥିରୁ ସ୍ପଷ୍ଟ ହେଉଛି ଯେ ଆପଣ କାହା ସହ ରହିଛନ୍ତି।

ଦୟା କରି ଆତଙ୍କବାଦୀଙ୍କୁ ଦୟା କରିବା ପରେ ନିଜକୁ ଦେଶଭକ୍ତ ବୋଲି ଦେଖାଇବାକୁ ଚେଷ୍ଟା କରନ୍ତୁ ନାହିଁ। ଗୋଟିଏ ଆତଙ୍କବାଦୀ ସଂଗଠନ ଭାରତ ଓ ବାଂଲାଦେଶର ନାଗରିକମାନଙ୍କୁ ଅପହରଣ କରିଥିଲା। ଏହାପରେ ବାଂଲାଦେଶର ନାଗରିକଙ୍କ ଧର୍ମ ଦେଖି ସେମାନଙ୍କୁ ଛାଡ଼ିଦେଲା। ହେଲେ ସମସ୍ତ ୩୯ ଭାରତୀୟଙ୍କୁ ଆତଙ୍କବାଦୀମାନେ ହତ୍ୟା କଲେ। କ’ଣ ଆପଣମାନଙ୍କୁ ସେତେବେଳେ ଦୟା ଆସି ନଥିଲା? ଆତଙ୍କବାଦୀ ୟାକୁବ ମେମନର ଦୟା ଆବେଦନରେ ଦସ୍ତଖତ କରିବା ସମୟରେ କ’ଣ ଆପଣଙ୍କୁ ଡର ଲାଗି ନଥିଲା?”

୨୦୧୨ରେ ଦେଶ ପାଇଁ ଅଲିମ୍ପିକ୍ସରେ ବ୍ରୋଞ୍ଜ ମେଡାଲ ଜିତିଥିବା ଯୋଗେଶ୍ୱର ଅଭିନେତା ଶାହଙ୍କୁ ଆତଙ୍କବାଦୀଙ୍କୁ ଦୟା କରି ପରେ ଦେଶଭକ୍ତ ହେବାର ଅଭିନୟ ବନ୍ଦ କରିବାକୁ କହିଛନ୍ତି।

ଏହି ଘଟଣାକୁ ନେଇ ଏବେ ରାଜନିତୀ ବେସ୍ ଗରମ ଚାଲିଛି, ଜଣେ ଜଣେ କରି ନାସିରୁଦ୍ଦିନଂକ ମନ୍ତବ୍ୟକୁ ସମାଲୋଚନା କରୁଛନ୍ତି ।

 

LEAVE A REPLY

Please enter your comment!
Please enter your name here